口耳相傳, QS既出現源於1834年西敏寺的一場大火
因為這場大火英國政府首次用使用量度方法及BQ去進行招標
BQ又與建築物有何關連?
有次, 我係一次CPD認識到其實BQ係一個Model去描述一單工程
諗深一層, 係好有道理的
BQ雖然係一個文字清單, 但佢每一部份其實都係透過統一既量度方式, 就建築構件計算出數量, 連結工程的各個部份
所以其實一份BQ同建築模型有對應關係
一單工程由不同組件去砌成一個建築物
而一份BQ同樣由不同量度項目去組成項目總成本
所以, 去將BQ理解成一個建築物的成本模型也不無道理
透過成本模型, 我地就可以理解項目成本點樣構成, 從而有系統地解釋棟建築物係要幾多錢
對於業主及Designer, 以上的資訊當然係好重要, 因為關乎項目是否財務上可行
但對於Contractor黎講, 其實同樣有價值, 因為透過成本模型, 可以知各項分判的Budget有幾多, 要預備什麼的資源/物料
我地根據實際建築物有的構件進行量度, 從而知道有咩Item要放入BQ, 而量度方法係有規範
好似量度石矢量, 我地用Volume去量度, 釘板就用面積/長度, 扎鐵就重量
而個規範係點去定? 就係由一些專業團體去發佈標準
好似HKIS, 就有HKSMM4, 而RICS就有NRM2
順帶一提, 係香港政府都有佢地既SMM
ASD: https://www.archsd.gov.hk/media/publications-publicity/schedule-of-rates/asdsmmbe_2020.pdf
CEDD: https://www.cedd.gov.hk/filemanager/eng/content_79/cesmm_rev_0.pdf
據我所知, Civil工程係跟CEDD SMM, 但ASD工程好多時都會用番HKIS SMM
這樣成本模型建立的規則基本上係確定 及 於行業內是統一了
雖然唔同的建築物有佢自己獨特性, 但其實一般黎講, 有些項目基乎每一單Bill都會出現, 例如石矢, 板, 鐵
因此, 好多時唔係由零開始整一份BQ, 而係本身有一份Model Bill, 然後透過量度建築物物不同的數量, 再填番入Model Bill的各個部份
好似ASD其實佢本身就有一份Model Bill, 函蓋幾乎所有Works, 再編去相應的Bill Section, 而成為一份Model Bill
有了一份Model Bill, 便不用去重新寫Description, 用SMM查番個Unit等等
而由於Bill Item已分好哂係唔同既Bill Section, 所以都確保左不同Project下BQ的一致性,
Bill Structure一致性係好重要, 因為佢確保不同的Project可以apple to apple咁分析
最後, Model Bill都隨住ASD自己本身會出的Specification進行更新Description, 從而反映出ASD的物料要求
所以Model Bill可以話係成本模型的半製成品, 係基本的成本模型
我地拎一份BQ雖然可以見到不同項目數量,又可係General summary 見到不同bill section金額分佈
但其實好難將佢想像成一個建築物,見到不同構件,以至各構件的關係
基本原因係, BQ係一份文件, 鐵板一塊, 你要做一些處理先可以搵到答案
例如, 你要搵石矢總數量, 要將45D, 60D等等數量加埋一齊, 你先會得到個總數
但有時問題可以處理到, 有時就未必可以, 因為你唔能將BQ的數字再細化
例如, 你建造一棟住宅, 有分Low Zone, Mid Zone, High Zone, 但好多時BQ係將3個Zone同Grade的石矢計埋一齊, 如果工程師問你Low Zone一層有幾多石矢量, 你便要不可能從一個總數中計算, 你最多將總數除總層數, 得出平均每層的石矢量
但係, 這個平均值, 我不見得會準確, 因為當中的隔火層, Upper Roof, Top Roof數量顯著比Typical Floor少的, 因此當除總層數時, 必然會有偏差
如果要作比喻, BQ係sculpture, 而非LEGO
另外, BQ都唔會全部反映出成本項目, 好似以Main Contractor Bill為例, 當中好大部份都會係有Prime Cost Sum & Provisional Sum表示, Main Contractor係唔會知道個細數點計出黎
這就是BQ作為Model的限制, 因為講到尾, BQ係主要功能係用黎出標落標, 及反映出某Package的價值, 而唔係用黎present比業主/Designer睇全單Project既成本構造
而BQ由於好大程度係用黎比Contractor落價, 因此項目分類上, 最緊要係可以反映出單價的變化
好似45D石矢與60D石矢的單價係有明顯分別, 因此必須要將兩個Item獨立量度
但係, 你要去拎一個感覺, 話比人知棟建築物貴係邊, 睇黎又唔使太仔細, 最好可以用1~2頁去表示哂成個建築物的成本
因此, 出現了另一種有別於BQ的成本模型, 就係Cost Plan
Cost Plan睇黎係一種較好的方法去表示成本預算, 而佢亦都係APC Part2 Day 1 Q1幾乎必考的題目
Cost Plan好靈活, 佢唔係要求數量的百分百準確, 亦都唔要求計算出黎的金額為成本的100%,
佢的作用係話比業主/Designer聽, 佢地的Design會係大約幾多錢, 從而作出Design上的決策, 財務上的準備
所以Cost Plan的格式, 同BQ係好唔同, 如果按The Nuts and Bolts這一本書的介紹, Cost Plan包括:
1) Summary of estimated cost
2) Exclusion List & Assuptions
3) Elemental Brakdowns/Backup Calculation
4) Other Project Informations….etc
Cost Plan要濃縮成份BQ, 佢用既方法係只係列出Major Item, 及常用Composite Rate, 之後加番若干的Allowance去展示
究竟咩係為之Major Item, 另外個Composite Rate係幾多, 其實好多人都係知大概, 而好難準確話比你聽, 因為:
1) Composite Rate唔似BQ Rate可以翻標就知, 而係要做好多統計數據去計算
2) Major Item的辨識好多時靠經驗
3) Approximate Qty的計算就好多時靠你對一些約定俗成的規則認知, 好多時都係靠統計, 而非用理論Derive出黎
而這些數據, 我最多係見Cost Handbook有講, 但當中的技巧當然唔係cover全部
好似以Bored Pile為例, 你要去做Bored Pile的BQ, 就要分好挖幾長, 落幾多石矢, 度鐵的KG數, 計算要回番幾多泥, 同埋要度有咩Test要做
但係Cost Plan的世界, Qty只會睇番總共有幾多m3的石矢, 之後大約乘番$13,000計成本, 之後再預番可能5%~10%做Test及GI就完成
就算無圖紙, 係Cost Plan的製作上, 容許用Approximate Qty去估計
好似有CFA去估計Sectional Area, 再睇番Cat III Rockhead的大約深度, 便可以估計上m3數量
可想而知, 你去做一份Cost Plan係可以好快, 好簡約, 你用一個Item去表達緊可能一個Bill Section幾頁紙的Items
而當中Cost Plan的Item亦都唔需要似BQ Description寫到咁詳細, 因為佢唔係用黎form part of the contract同話比Tenderer聽點去落價
以上就係BQ同Cost Plan係製作上最大的分別
係香港的做法, Cost Plan elements分類通常係
1) Site Formation
2) Foundation & Substructure
3) Superstructure
4) External
5) Building Services
6) Preliminary + Contingency
當然入面再有細分, 好似以Superstructure為例, 就會再分Carcase, Facade, Finishings, Furniture Fittings等等
亦都會就Designer特別設計分項表示, 用黎話比Design Team聽, 如果佢加某個設計, 要加幾多錢
例如, Design Team話想加個Autoparking System, 咁就會係Building Services分一個Sub Item講有20個車位, 每個車位30萬, 夾埋600萬, 咁如果, Designer話要加至30個, 咁都好易得知大約會加多300萬
所以, 係解釋成本結構上, 係同BQ相似, 但係再細分Breakdown就係以Design Option的角度去編制,
所以點砌個Cost Plan好睇Demand係邊, 再因應要求去逐一砌Cost Item上去
係香港, Cost Plan係內部用, 唔係合約文件, 所以無特定標準, 但都無咩所謂
每間顧問好似都有佢地自己的做法, 再跟據唔同Design Stage, 利用番佢地internal data去做cost plan
但以我所知, 外國對於做Cost Plan其實都有規範
好似RICS就有NRM1去指引點做Cost Plan, 其中係對應番RICS出既ICMS
於Consultant角度, Cost Plan就係佢地的成本模型
而Contractor對於一單的工程的成本模型就係依賴Contractor’s Tender Report(即投標報告書)
Tender Report同Cost Plan最大分別是Tender Report通常會以Trade去劃分
Contractor會將BQ的項目以通常分判形式再重新歸類, 例如將所有標書內的鐵門組合一起, 防水項目又組合一起等等, 係跟"判頭"去組合, 而非跟Location/Bill Section
而係投標階段, Contractor便會就不同的分判Package進行詢價及分析, 之後形成總投標成本
當然有些項目數量是標書沒有列出, 例如Preliminary中的水, 電, 保險, 棚架, 等等
因此Contractor在計算成本時, 都會對一些標書無的數量進行估算, 再套單價, 計算相應成本
(相對於Consultant, 佢地就係用Total Cost的某%去估計)
因此, Contractor的成本模型起步點係依賴BQ數量, 但在BQ之上, 還會加入其他預見的成本項目, 最後組成投標成本
Contractor’s Tender Report比Consultant的Cost Plan更為神秘, 入面可能涉及一些商業秘密, 例如Report內可能紀錄某單標而言, 佢同某分判商的Pre-bid金額, 及與某供應商取得的優惠折扣, 以至JV聯營下的成本拆分,
這些內容極為敏感, 關乎承建商的直接競爭, 因此列為機密項目, 如果你唔係參與投標工作, 公司都唔會話你知相關的處理方法及細節。
最後, Tender Report內的項目會跟自己公司的制度, 加入不同的項目, 例如安全措施, 科技應用成本等等, 這些元素是為自己公司度身訂制
由BQ, 到Model Bill, 到Cost Plan 及 Tender Report,
可以見到QS係有唔同的角度及方式去建構建築項目的成本模型,
但不論係BQ, 又或係Cost Plan, 當中不外乎:
1) 識別成本項目
2) 按項目設計進行量度
3) 就不同的成本項目計價, 從而Buildup Total Cost
現在, 愈黎愈多項目, 係出標階段就已經有BIM Model
其實已經開始進入5D BIM的時代
係5D BIM時代, 建立成本模型同以往有D咩唔同呢?
係識別成本項目上, 我認為係無分別的
因為都係要由QS去定義Model Bill / Cost Plan Template
但係量度上,
傳統係要由QS跟圖紙去量度,
到5D BIM, QS便由3D Model內找出不同Element的數量
當中計量的過程係好唔同
第一代的量度方法係
1) 按圖紙標示的尺寸或拍尺去紀錄入Dim Sheet上
2) 利用得到的尺寸, 計算長度, 面積, 體積, 即是Squaring
3) 然後用Cut and Shuffle (前輩稱為"數溪錢")的形式, 將Item分去唔同的Bill Section
第二代的量度方係其實同第一代差唔多
至不過係將尺寸直按打入Excel內
咁Excel係一個Template黎, 裡面有預先設定的公式
咁樣, 就自動出番唔同Works的數量而不用Squaring & Cut and Shuffle
去到第三代的量度方法就係On-Screen Take off
常用軟件好似係Bluebeam, CostX, PDF Editior之類
咁我就覺得Bluebeam係2D takeoff上係比較成功
因為佢可以係PDF上直接Mark圖, 然後按需要將其他資料填入Markup內
好似我用Area Markup, 劃左間房, 咁我當然係直接計算了房的面積及周界
同時可以於Markup內記錄房間的飾面用咩物料, 防水用咩物料, 腳線用咩物料,
咁出Markup Breakdown時, 就可以用Sorting/Filter/Pivot Table去計算不同的數量
而當改圖時, 如果比例尺寸不變, 其實都可以直接將Markup由舊圖紙, copy and plaste到新圖紙上
減少了重覆mark圖的動作
而然, 到了第四代, 就是3D Model上進行Takeoff
如果用過3D Model Take數, 你會發現係快過2D Takeoff, 原因係你唔使做太多Adjustment, 及 Take數係直接的
以度牆身Finish為例, 你係2D Drawing上拎左長度, 之後就要睇番圖紙, 輸入樓板厚度/陣深高度, 從而計算牆身高度並計算面積, 除此之外, 你仲要扣減門窗Opening做Adjustment, 先可以得到牆身的面積數量
而用3D Model, 你只要知道邊幅牆要某Finish, 你assign material on wall就得, 完全唔使理樓板幾厚陣幾深, 牆身有幾多Opening
因此, 係3D Model上度數, 係比2D快
另外, BIM Model除了Geometric Infomation, 仲紀錄建築物的物料資料, 包扣支柱係60D石矢定係45D石矢, 隻門防火係1小時定係2小時, 等等, 不用好似2D QTO咁再辨識入面的Element係咩物料
原則上, 如果BIM Model合乎HKIS MIR要求, 就可以利用程式自動計算數量,
並且當中計算的數量及Model比的資訊足夠去分類到不同的成本項目
所以如果有一個Standard的Cost Model (eg Model Bill/Cost Plan Template), 之後有一個合乎MIR的BIM Model, 便可以將兩者自動結合, 產生Project的Cost Model
而以下的Youtube片都介紹了HKIS MIR, 及之後自動化的願景(包括auto pricing)
咁實際操作又係點? 又或者現有咩野方法可以將BIM Model的所需的數據Export出黎, Link to Model?
Revit係有Material Schedule做QTO, 但係Export後, 就會係一份好長的Excel, 同Bluebeam一樣, 要人手將所得數量Transfer入BQ/Cost Plan內
咁Goldon係進步D既, 佢用TAS計完數, 可以人手將數量Link去TBQ出Bill
而且Goldon TAS會跟SMM去度數, 以釘板為例, 佢會睇番係咪<300而決定度m run/m2
另外TAS有個function係auto correct model唔正確的地方, 例如相同的element畫左2次完全重覆, 又或者條Beam未完全連去Column上, 之後再去計算, 而計算的結果係可以反向追蹤, 例如知道個formwork點樣減去Slab的交接位, 柱的60D石矢係邊幾條柱走出黎咁, 所以用起條數上黎, 你會有信心D, 這些東西係Revit無提供
但係, 份Bill就要用佢Properitary Software (ie TBQ)去整
變相係失去靈活性, 及改動上會變得封閉
而BlenderBIM其實係5D BIM都有佢既做法
佢不同於Glodon須要TBQ, 佢係用CSV設定Cost Model, 當中設定要點計個Qty, 然後import CSV入Model內
然後BlenderBIM就會係Model內搵合適的Qty填入去
咁既做法係將Cost Model Import入去BIM內, 而唔係由BIM出數 (eg in excel format), 再將數量Import入Cost Model
由於係BIM Model已內嵌Cost Model, 因此可以當BIM Model有改變/更新時, 便可自動化計算Project Cost, 對於日後去做4D+5D BIM(ie Cashflow forecast)係可行做法
但BlenderBIM發展仲未完善, 對於構件之間的加減關係仲未有, 所以計出黎的數量唔準確, 當然日後佢都應該會攪, 同埋由於佢係Open Source, 可以自行寫Code去解決
但要滿足BIM 5D的要求
BIM Model其實要跟Standard (eg CIC BIM Standard) 去建立, 要加入充足的資訊, 而且各個Parties要配合
現實上, 於Design Stage, 可提供的資訊是有限制的, 所以局限早期的BIM Use
同埋, 有D Parties係比較鐘意用2D Drawing去做設計
係E個時候, QS可能要去建立番自己的information layer做一些補充/assumption
例子一:
出Model時, Modeler無畫Finish, 只有Specification/一個Table講Finishing Schedule
咁QS就只能跟Specification於3D Model做Markup (例如產生一個類似Wall的Element), 之後將資料記錄在內, 再出數
例子二:
出Model時, 好多時唔會包Temp Works, 好多時都只有一些簡單Plan及Detail, 例如Hoarding, Scaffolding等等。如果係Contractor’s QS便要將Hoarding及Scaffolding畫番出黎, 從而計算相關工程量, 進行分判。
但點確保有新Model時相關的Markup可以Transfer到新Model? 就好似Bluebeam既Markup可以copy and paste到新model上
如果每次有新Model更新, 相關的Markup便會流失, 須要重新畫過, 其實都幾費工夫
其實這個問題同樣係其他consultants身上會發生
睇番現時的workflow, Arch會出Layout Plan, 然後派比其他Consultant做E&M Design, Structural Design, Interior Design…etc
之後就會用Navisworks Combine Model, 之後做crash anaylsis
係Glodon TAS上都有類似Function, 將Arch Model及Structrual Model合體, 從而避免重覆度數
所以大概個methodology就係唔同的consultant自己work individual model, 去到一個時間點就combine, 再fine-tune
我認為QS都可以加入這個workflow, 另外建立新的Model, 按Arch Model及Specification, 畫番Model Object作為Markup做補充
到有新Model時, 就將Markup及新Model做對比, 然後再處理
但這種方法其實同Arch Model斷左connection, 如果有比較大的改動, 更新程序就會較多
另外一種方法係拎Arch Model的Element Identity做Markup
例如, 原來Arch Model已有Room Object, 咁就將Room Object Export成Excel, 然後再就不同的Room於Excel內加Column去紀錄天地牆的物料數據, 再將Excel Import入Model, 成為Model一部份 (當然未必係Room Object, 可以係Wall Element之類)
到有新圖時, 就將Excel的資訊重新Import 新Model內, 咁就可以保留數據
而最後一種可能的方案係自動化去出Markup
現時, 業界都有去研發點樣去就概有的模型去做一些自動化處理
例如Contractor有E&M 及 Structural Model時, 便會用API, 運行自己整的Programe去自動出CBWD(開吼圖)
當然出左既CBWD仲要人手去做調整及判辦是否正確, 但入面就節省好多工夫
而好似上年, BIM學會就攪左個華山論BIM比賽, 業界都提交左佢地不少的Automation Programe, 我睇番有不少都與QS相關
所以, QS其實可以利用BIM Model做更多事情, 而唔使額外花太多的時間
總括來說, 我認為QS的歷史本源, 其實就係做一個項目成本模型
計算不同Building Elements的數量及估值, 去進行衡工量值
一個成本模型做成點, 有幾大程度反映現實, Breakdown分類是否合適, 就係衝量Cost Model的優劣標準
當然, Cost Model都要視乎用家需求, 所以有分BQ, Cost Plan, Tender Report等等…
雖然定義Cost Model整體結構係QS的工作,
但隨住科技進步, 點樣為單一的Project度身訂造一個Cost Model, 就有唔同的轉變